Афіцыйны сайт

Адукацыя

  
   Сістэма адукацыі Ашмянскага раёна прадстаўлена 29 установамі адукацыі: 1 гімназія, 6 сярэдніх школ, школа-інтэрнат, 8 ясляў-садкоў, 1 установа дадатковай адукацыі, цэнтр карэкцыйна-развіваючага навучання і рэабілітацыі, сацыяльна-педагагічны цэнтр з аддзяленнем дзіцячага прытулку, аздараўленчы лагер “Дружба”. Працуюць тры дамы сямейнага тыпу.
   Ва ўстановах агульнай сярэдняй адукацыі навучаецца 3652 вучняў, у тым ліку - 372 першакласнікі.
   У 2018/2019 навучальным годзе ў Ашмянскім раёне арганізаваны падвоз транспартам упраўлення адукацыі для 724 навучэнцаў, якія жывуць у сельскай мясцовасці, да месца вучобы і назад з 91 населенага пункта ў 13 устаноў адукацыі (624 дзіцяці школьнага ўзросту і 100 дзяцей дашкольнага ўзросту).
   У поўным аб'ёме выконваюцца дзяржаўныя сацыяльныя стандарты.
   Ахоп дзяцей установамі дашкольнай адукацыі ў 2018 годзе складае 100% (2017 - 90,2%). На 90,2% установы дашкольнай адукацыі абсталяваны цацкамі, сродкамі навучання, гульнявым і вучэбным абсталяваннем, вучэбнымі выданнямі (2017 - 83,9%); на 92,9% забяспечаны вучэбна-метадычнымі дапаможнікамі (2017 - 91,2%). Арганізавана міжведамаснае ўзаемадзеянне па пытаннях захавання і ўмацавання здароўя дзяцей: стабільны паказчык пропуску дзён па хваробе адным дзіцем 2,7 дні (2017 год - 2,7) (вобл. - 4,3 дзён, рэсп.- 5,1 дзён).
   Добрыя вынікі прынёс удзел педагагічных работнікаў і выхаванцаў устаноў дашкольнай адукацыі ў рэспубліканскіх і міжнародных конкурсах. У 2018 годзе заваяваны дыпломы I і II ступені педагогамі ясляў - садка № 3 г. Ашмяны ў міжнародным конкурсе аўтарскіх метадычных распрацовак у галіне дашкольнай педагогікі «Мастацтва выхавання».
   Калектыў дзяржаўнай установы адукацыі «Гальшанскі яслі - садок» па выніках абласнога конкурсу па прадметна-развіццёвым асяроддзі заняў 1 месца; выхаванец дзяржаўнай установы адукацыі «Гальшанскі яслі - садок» атрымаў дыплом I ступені на Рэспубліканскім фестывалі-конкурсе дзіцячага мастацтва «ЛьВёнок» (май 2018).
У сістэме агульнай сярэдняй адукацыі ў мінулым годзе рэалізаваны два новаўвядзенні - адмена ўступных іспытаў у гімназіі і арганізацыя прафесійнай падрыхтоўкі для вучняў 10-х класаў.
   З 178 дзесяцікласнікаў у межах прадмета «Працоўнае навучанне» 41 % навучаюцца па спецыяльнасцях «Прадавец» і «Слесар па рамонце сельскагаспадарчых машын і абсталявання» на базе Ашмянскага дзяржаўнага прафесійнага аграрна-тэхнічнага каледжа і па спецыяльнасці «Швачка» на базе сярэдняй школы № 1 г. Ашмяны.
 101 дзесяцікласнік вывучае прадметы на павышаным узроўні. Прадоўжылі працу профільныя педагагічныя групы ў сярэдняй школе № 2 г. Ашмяны і сярэдняй школе № 3 г. Ашмяны, у якіх навучаецца 35 вучняў.
   Адкрыты профільны клас аграрнай накіраванасці на базе Гальшанскай сярэдняй школы. Установай адукацыі падпісаны дагавор аб супрацоўніцтве з Гродзенскім аграрным універсітэтам.
   Высокія вынікі на цэнтралізаваным тэсціраванні прадэманстравалі выпускнікі гімназіі № 1 г. Ашмяны, атрымаўшы чатыры 100-бальныя вынікі (Саванец Анастасія - хімія, біялогія; Ляпко Антаніна, Качарга Юлія – руская мова).
   З 1 верасня 2018 года з 40 да 60 павялічылася колькасць вучняў, для якіх арганізаваны заняткі па азнаямленню з рабочымі прафесіямі на базе аграрна-тэхнічнага каледжа ў 6-ы школьны дзень.
   Захаваны сфармаваныя за многія гады падыходы да арганізацыі работы па выяўленні і падтрымцы таленавітых дзяцей і моладзі.
   На заключным этапе рэспубліканскай алімпіяды па вучэбным прадмеце «гісторыя» навучэнец сярэдняй школы № 2 г.Ашмяны ўзнагароджаны дыпломам першай ступені (2017 год - дыплом другой ступені).
   Павялічылася колькасць удзельнікаў абласнога этапу рэспубліканскай алімпіяды (+ 3, 2017 - 15). У 2018/2019 навучальным годзе навучэнцамі заваявана 9 прызавых месцаў (+ 6) у абласным этапе рэспубліканскіх алімпіяд.
   Паспяхова выступілі на абласным конкурсе даследчых работ «Хрустальная альфа» вучні гімназіі № 1 г. Ашмяны па вучэбным прадмеце "геаграфія" (2 месца), навучэнцы сярэдняй школы № 3 г. Ашмяны па вучэбным прадмеце «гісторыя» (3 месца).
   Перамогу раёну прынеслі навучэнцы сярэдняй школы №3 г.Ашмяны ў абласным конкурсе навукова-тэхнічнай творчасці «ТэхнаІнтэлект» у секцыі «Мультымедыйныя тэхналогіі» (3 месца).
   У раёне створана і паспяхова рэалізуецца рэгіянальная мадэль спецыяльнай адукацыі. У 24 установах адукацыі 729 дзяцей (100%) з асаблівасцямі псіха-фізічнага развіцця атрымліваюць спецыяльную адукацыю і карэкцыйна-педагагічную дапамогу (2017 - 734). У 23 установах адукацыі раёна забяспечаны доступ для дяцей- інвалідаў; у 6 (25%) установах створана ўніверсальнае безбар'ернае асяроддзе.
   У 2018/2019 навучальным годзе ў сістэме адукацыі Ашмянскага раёна задзейнічаны 742 педагагічныя работнікі.
   Ва ўстановах дашкольнай адукацыі забяспечана павелічэнне колькасці педагогаў з вышэйшай адукацыяй на 7,6% (2018г. - 57,4% (2017 г. - 49,8%). Вышэйшую і першую кваліфікацыйныя катэгорыі маюць 49,8% педагогаў, што на 5 , 9% больш чым у мінулым годзе (2017 г. - 43,9%).
   Ва ўстановах агульнай сярэдняй адукацыі працуе 494 педагагічныя работнікі (2017 г. - 498), з іх вышэйшую адукацыю маюць 92,92%, вобл. - 91,9% (2017 г. - 92,77%). Кваліфікацыйную катэгорыю настаўнік-метадыст - 0,2% (1 настаўнік), вышэйшую і першую катэгорыі 75,7%, вобл. - 74,8% (2017 г. - 75,5%).
   У 2018 годзе прыступілі да працы 40 маладых спецыялістаў (у 2017 г. - 54), з іх 23 па мэтавых дагаворах (2017 г. - 37). Працэнт замацавання маладых спецыялістаў у сістэме адукацыі раёна ў 2018 годзе склаў 79,5% (у 2017 г. - 81,8%).
   У 2018 годзе заключана 13 дагавораў на мэтавую падрыхтоўку ва ўстановах вышэйшай адукацыі і 1 дагавор ва  ўстанове сярэдняй спецыяльнай адукацыі (у 2017 г. - 18 і 6 адпаведна).
   Па выніках 2017/2018 навучальнага года на абласную Віртуальную кнігу Славы маладых спецыялістаў занесена выхавальнік ясляў-сада № 3 г.Ашмяны Заянкоўская Надзея Уладзіміраўна.
   Выдатна спрацавалі ўстановы адукацыі пры падрыхтоўцы прадметных кабінетаў: у абласным аглядзе-конкурсе кабінетаў замежнай мовы кабінет гімназіі №1 г. Ашмяны заваяваў 1 месца; 2 прызавых месцы ў скарбонцы раёна па выніках агляду-конкурсу кабінетаў педагогаў-псіхолагаў (2 месца ў сярэдняй школы № 1 г. Ашмяны і ЦКРНіР).
У выхаваўчай рабоце прыняты меры па арганізацыі занятасці навучэнцаў, прафілактыцы правапарушэнняў сярод непаўналетніх, сямейнага недабрабыту.
   Забяспечана развіццё валанцёрскага руху. Ва ўстановах адукацыі раёна да добраахвотніцкага руху прыцягнута 1442 вучняў (70%). Дапамога аказваецца 1851 чалавеку (54,6%, абласны паказчык 70%).
   Удасканальваецца сістэма экскурсійнай дзейнасці. З кастрычніка 2018 года рэалізуецца турысцка-экскурсійны праект для вучняў «Да суседзяў». На працягу кастрычніка - снежня 2018 года ў праекце прынялі ўдзел 856 вучняў (23,4%). Арганізавана 33 экскурсіі за межы раёна.
   У 2018 годзе музею Кальчунскай сярэдняй школы прысвоены статус "народны".
   Мэтанакіравана рэалізоўвалася задача фарміравання актыўнай жыццёвай пазіцыі, лідэрскіх якасцяў моладзі. Праведзены выбары ў Моладзевы парламент пры Ашмянскім раённым Савеце дэпутатаў.
   На працягу 2018 года асаблівая ўвага надавалася арганізацыі вольнага часу навучэнцаў. Да 144 павялічылася колькасць аб'яднанняў па інтарэсах у дзяржаўнай установе адукацыі «Ашмянскі цэнтр творчасці дзяцей і моладзі» - 1845 навучэнец (51%) (2017 г. - 138 аб'яднанняў, 1835 вучняў (50,1%).
   Павышэнню якасці выхавання ва ўстановах адукацыі садзейнічае работа рэсурснага цэнтра дзяржаўнай установы адукацыі «Гімназія № 1 г.Ашмяны».
   Рэалізацыя «Дарожнай карты» па развіцці робататэхнікі дазволіла адкрыць на базе дзяржаўнай установы адукацыі «Сярэдняя школа № 1 г. Ашмяны» аб'яднанне па інтарэсах  дадзенага профілю і прыцягнуць да яго 14 вучняў.
   Вялікая ўвага ўдзелена пошукам актуальных форм работы. Ва ўсіх установах адукацыі працуюць школьныя бізнес-кампаніі.
   Значна пашырана сетка аздараўленчых лагераў, у тым ліку ва ўстановах адукацыі, размешчаных у экалагічна чыстай мясцовасці, што дазволіла павялічыць ахоп школьнікаў рознымі формамі аздараўлення з 44% у 2017 годзе да 46% у 2018 (абласны паказчык 54%).
   Павялічаны паказчык забяспечанасці спортінвентаром да 91%, у 2018 годзе на суму 40501,0 рублёў закуплена спартыўнае абсталяванне.
  Прыняты меры па арганізацыі занятасці навучэнцаў, прафілактыцы правапарушэнняў сярод непаўналетніх, сямейнага недабрабыту дазволілі дасягнуць станоўчых вынікаў: па выніках 2018 года не здзейснена злачынстваў навучэнцамі ўстаноў агульнай сярэдняй адукацыі (2017 год - 2 злачынствы з удзелам 3 асоб).
   Прадоўжана праца па ахове правоў і законных інтарэсаў непаўналетніх, якія знаходзяцца ў сацыяльна небяспечным становішчы, прызнаны маючымі патрэбу ў дзяржаўнай абароне, дзяцей-сірот і дзяцей, якія засталіся без апекі бацькоў.
   З 63,1% да 69,6% павялічыўся паказчык вяртання дзяцей у сям'ю пасля прызнання іх маючымі патрэбу ў дзяржаўнай абароне камісіямі па справах непаўналетніх (16 дзяцей з 23семей; 2017 - 12 дзяцей з 19 сем'яў).
   На ранейшым узроўні застаецца ў 2018 годзе колькасць дзяцей, якія засталіся без апекі бацькоў у вынiку пазбаўлення законных прадстаўнікоў бацькоўскіх правоў (6 законных прадстаўнікоў пазбаўлена бацькоўскіх правоў у адносінах да 7 дзяцей; 2017 - 7 бацькоў у дачыненні да 7 дзяцей).
   У замяшчальныя сем'і ў 2018 годзе вызначана 8 (88,9%) зноў выяўленых дзяцей-сірот і дзяцей, якія засталіся без апекі бацькоў, 1 дзіця усыноўлена.
   Наладжана ўзаемадзеянне ўпраўлення адукацыі Ашмянскага райвыканкама і іншых зацікаўленых структур у своечасовым выяўленні сямейнага недабрабыту. У 2018 годзе ў выніку вывучэння 243 сігналаў аб першасным сямейным недабрабыце, якія паступілі з іншых структур (2017 - 230) 56 дзяцей з 32 сем'яў знаходзяцца ў сацыяльна небяспечным становішчы.
   На фінансаванне галіны адукацыі ў 2018 годзе было прадугледжана 16,0 млн. рублёў.
   На капітальны рамонт аб'ектаў адукацыі ў 2018 годзе прафінансавана 180564,40 рублёў, у тым ліку са сродкаў мясцовага бюджэту - 180564,40 рублёў.Зроблены капітальны рамонт дашкольнага цэнтра развіцця дзіцяці г.Ашмяны (выкананы работы па капітальным рамонце даху і харчблока).
   У 2018 годзе прадоўжана рэалізацыя мерапрыемстваў па ўмацаванні і развіцці матэрыяльна-тэхнічнай базы ўстаноў адукацыі раёна. На пачатак 2018/2019 навучальнага года праведзены бягучыя рамонты на ўсіх аб'ектах харчавання; затрачана 4 880,0 рублёў пазабюджэтных і спонсарскіх сродкаў.
   З 1 верасня 2018 гадоў ў 14 установах адукацыі раёна (100%) забяспечаны пераход на безнаяўны разлік аплаты за харчаванне, у 24 установах адукацыі (100%) аб'екты харчавання абсталяваны сістэмай відэаназірання.
   Прыняты меры па стварэнні бяспечных умоў знаходжання дзяцей ва ўстановах адукацыі: усе ўстановы адукацыі абсталяваны сістэмай відэаназірання. 14 устаноў  адукацыі абсталяваны кнопкамі трывожнай ахоўнай сігналізацыі.