На мінулым тыдні на сталічным стадыёне Рэспубліканскага цэнтра алімпійскай падрыхтоўкі па лёгкай атлетыцы прайшоў чэмпіянат Рэспублікі Беларусь па эстафетах. Наша зямлячка, юніёрка Карына Несцерава, святкавала перамогу на значным дарослым забегу.
Пасля праведзенага раней паспяховага выступлення на Кубку Беларусі па лёгкай атлетыцы Карыну ўключылі ў склад нацыянальнай зборнай. Менавіта ў яе складзе яна бегла эстафету 4х100 метраў. Да фінішу дзяўчыны прыйшлі з вынікам 45.79 і відавочнай перамогай.
Акрамя "Вікторыі" на чэмпіянаце Беларусі, былая выпускніца СШ №1 Імя М. М. Гружэўскага і Ашмянскай ДЮСШ імя А. Барбашынскага Карына Несцерава выканала нарматыў майстра спорту на заяўленай дыстанцыі.
Віншуем Ашмянскую спартсменку і яе першага трэнера Сяргея Юшкоўскага!