Дырэктарам КСУП "Гальшаны" прызначаны Міхаіл Скаржынскі

Міхаіл Іванавіч Скаржынскі з 23 сакавіка прызначаны дырэктарам камунальнага сельскагаспадарчага ўнітарнага прадпрыемства «Гальшаны».

Міхаіл Іванавіч нарадзіўся 24 верасня 1969 года ў В.Каменка Ашмянскага раёна. Скончыў Гродзенскі дзяржаўны аграрны ўніверсітэт па спецыяльнасці "Аграномія".

Працоўны шлях пачаў у 1988 годзе памочнікам брыгадзіра саўгаса «Гальшаны». З 1988 года па 1990-ы служыў у шэрагах савецкай арміі. Практычна ўся працоўная біяграфія Міхаіла Іванавіча звязана з калгасам імя Леніна (пазней СВК «Гальшанскі», КСУП «Гальшаны»), куды ён прыйшоў у 1991 годзе памочнікам загадчыка участкам. Тут ён працаваў загадчыкам участкам, аграномам ўчастка, старшынёй кааператыва, начальнікам участка, загадчыкам вытворчым участкам.

З 2011 года займаў пасаду намесніка старшыні гэтай гаспадаркі, потым – намесніка дырэктара.