Генерал-маёр Ігар Буткевіч правёў прыём грамадзян у Ашмянах

   Першы намеснік Старшыні Дзяржаўнага пагранічнага камітэта Рэспублікі Беларусь генерал-маёр Ігар Буткевіч правёў прыём грамадзян у Ашмянах

   Па дапамогу да генерал-маёра звярнуўся жыхар вёскі Цімуты Мураванаашмянкаўскага сельсавета. Пенсіянер прасіў аказаць садзейнічанне ў перасячэнні дзяржаўнай мяжы яго пляменніцы, якая пражывае ў Літоўскай Рэспубліцы. Пажылы чалавек хацеў бы часцей сустракацца са сваячкай.

   Паколькі мужчына не змог патлумачыць, з'яўляецца яго пляменніца грамадзянкай Беларусі ці суседняй дзяржавы, першы намеснік Старшыні Дзяржаўнага пагранічнага камітэта Рэспублікі Беларусь Ігар Яўгенавіч прапанаваў арганізаваць для жанчыны бесперашкодны прыезд у Ашмянскі раён, каб ужо тут, на месцы вызначыць кратнасць яе далейшых прыездаў-выездаў паводле існуючага заканадаўства.

   Пасля прыёму генерал-маёр падзяліўся сваім бачаннем сітуацыі, якая склалася на беларуска-польскай мяжы, а таксама растлумачыў абстаноўку на мяжы з Літоўскай Рэспублікай.

   - Трэба разумець, што людзі прыбылі на тэрыторыю Рэспублікі Беларусь законна, скарыстаўшыся правам бязвізавага ўезду або дзякуючы куплі візы Беларусі. Яны прыляцелі па запрашэнні турыстычных фірмаў: як беларускіх, так і небеларускіх-іракскіх, турэцкіх. Канчатковая мэта ўсіх гэтых людзей-у пошуках лепшых умоў жыцця рушыць на захад. Хто іх так зарыентаваў, паабяцаўшы, што праз Беларусь гэта будзе лёгка зрабіць, цяжка сказаць.

   Як любы грамадзянін, яны маюць права рухацца да пункта пропуску, бесперашкодна ўваходзіць у яго. Аднак калі палякі і літоўцы пункты пропуску перакрылі, не пусцілі іх перасекчы мяжу, яны сфармаваліся гэтымі стыхійнымі лагерамі каля пункта пропуску. Мы ж не будзем, як палякі, брандспойтамі і дубінкамі іх адтуль сілай выганяць. Я там быў, там шмат маленькіх дзяцей.

   Паводле дамоўленасці Прэзідэнта Беларусі Аляксандра Лукашэнкі і В.а. канцлера Германіі Ангелы Меркель, тых, хто жадае, вяртаюць у краіну вытока. Зрэшты, жадаючых вярнуцца ў Ірак або Сірыю вельмі мала. Учора, напрыклад, прыйшоў борт, які мог бы забраць іх значна больш: колькі паляцела-столькі паляцела, астатнія засталіся. Яны чакаюць далейшага рашэння Еўрасаюза.

   Канчатковая краіна, куды яны імкнуцца ўсё — езіды, курды, — гэта Германія. Там у іх сваякі, нейкія сувязі, абяцаныя дапамогі. У Беларусі заставацца ніхто не хоча, дадому вяртацца ніхто не хоча. Чым гэта ўсё скончыцца, залежыць ад рашэння Еўрасаюза.

   Некаторыя задаюцца пытаннем: чаму беларускія памежнікі не перашкаджаюць іх руху да мяжы? Справа ў тым, што з 1992 года мы ўладкоўвалі і вельмі надзейна ахоўвалі мяжу Еўрасаюза. Затрымлівалі і тых, хто спрабаваў незаконна трапіць у Рэспубліку Беларусь, і тых, хто ішоў з яе. У выніку ні ў літоўцаў, ні ў латышоў, ні ў палякаў сёння на мяжы нічога няма для арганізацыі надзейнай аховы.

   Мы ж цяпер засяродзіліся на тым, каб не ўпусціць нікога лішняга ў Беларусь, а хто пранікае на іх тэрыторыю, гэта іх праблемы. Вось хай і вырашаюць свае праблемы. Мы абавязаны іх ахоўваць мяжу? Не. Яны нам даюць на гэта сродкі? Не. Яны абліваюць наша дзяржава брудам.

   У адпаведнасці з міжнародным заканадаўствам-а яны сябе пазіцыянуюць як гуманісты, прыхільнікі дэмакратычных каштоўнасцяў-яны не маюць права так паступаць з мігрантамі. Яны павінны іх прыняць, да прыняцця рашэння правесці так званую фільтрацыю — усталяваць іх асобы, статус — перасяленец, бежанец, мігрант і т .д.і далей альбо дэпартаваць, альбо прыняць іншае рашэнне. Тое, што адбывалася ў пункце пропуску "Брузгі", бесчалавечна. Гэта ж дадумацца-заліць у вадамёты пестыцыды і паліваць з людзей. Ноччу ўключалі гук і светлавыя страбаскопы - не давалі дзецям спаць.

   Хачу заўважыць, што сярод тых, хто сабраўся ў стыхійным лагеры дзвюх тысяч людзей я не бачыў агрэсіўна настроеных. Таму баяцца іх не трэба, яны не нясуць пагрозы тэрарызму.

   Жыхароў Ашмянскага раёна, безумоўна, хвалюе, якая абстаноўка на беларуска-літоўскай мяжы. Магу адзначыць, што тут няма такога напружання і стыхійных лагераў. Хоць з літоўскага боку прадпрымаліся спробы выправадзіць сюды людзей. За бягучы тыдзень зафіксавана адзінаццаць такіх спробаў, падчас якіх затрымана 125 чалавек.

Ашмянскі Веснік