Мабільная група райвыканкама наведала КРСУП "Баруны" і КСУП "Гальшаны"

На палях Ашмянскага раёна пачалася "гарачая" пара. Уборачная кампанія - у самым разгары. Напружаны працоўны рытм трымаецца на кожным хлебным полі. Хлебаробы імкнуцца сабраць максімальны ўраджай і зберагчы кожны Колас. Аднак у гэты напружаны час не варта забываць аб бяспечных умовах працы. З мэтай забеспячэння бяспекі падчас правядзення ўборачнай кампаніі ў нашым раёне працуюць выязныя мабільныя групы райвыканкама. У рамках месячніка бяспекі мабільная група адправілася ў чарговы рэйд. У яе склад увайшлі прадстаўнікі розных ведамстваў: старшыня раённага камітэта прафсаюза работнікаў аграпрамысловага комплексу Раіса Турлай, намеснік начальніка ўпраўлення па працы, занятасці і сацыяльнай абароне Ашмянскага райвыканкама Вольга Кухарэвіч, галоўны дзяржаўны інспектар Смаргонскага міжраённага аддзела Гродзенскага абласнога ўпраўлення Дэпартамента дзяржаўнай інспекцыі працы Наталля Ясевіч, галоўны спецыяліст аддзела арганізацыі вытворчасці ўпраўлення сельскай гаспадаркі і харчавання Ашмянскага райвыканкама Алена Саўрыновіч, памочнік урача-гігіеніста Ашмянскага раённага цэнтра гігіены і эпідэміялогіі Марыя Цярэшка.

Члены мабільнай групы наведалі КРСУП "Баруны" і КСУП "Гальшаны". Асаблівая ўвага была ўдзелена бяспецы, адпаведнасці абсталявання і працэсаў працы патрабаванням аховы працы, забеспячэнню работнікаў сродкамі індывідуальнай абароны, санітарна-бытавымі памяшканнямі, навучанню бяспечным метадам і прыёмам выканання работ, правядзенню інструктажу, стажыроўцы і праверцы ведаў па пытаннях аховы працы, арганізацыі кантролю за станам умоў працы на працоўных месцах і правільнасцю прымянення сродкаў індывідуальнай абароны, захаванню працоўнай і вытворчай дысцыпліны работнікамі. Прадстаўнікі мабільнай групы выехалі ў поле для ажыццяўлення кантролю за выкананнем бяспекі падчас уборачнай кампаніі. Збожжаўборачныя камбайны павінны быць забяспечаны першаснымі сродкамі пажаратушэння, а хлебаробы – выконваць асноўныя патрабаванні па ахове працы. Бо бяспека-залог паспяховага і якаснага працы.