Работнікі Ашмянскага РАНС трымаюць на кантролі пытанні пажарнай бяспекі на ўборцы

Работнікі Ашмянскага РАНС штотыдзень праводзяць растлумачальную і прафілактычную работу з грамадзянамі, задзейнічаных на ўборцы і перапрацоўцы ўраджаю. Ратавальнікі наведваюць зернесушыльныя комплексы, зернесклады і месцы ўборкі ўраджаю. Чарговы выезд рэйдавай брыгады адбыўся ў КРСУП "Эксперыментальная база "Баруны", КСУП "Гальшаны «і СУП»Аграмалрай". Пры правядзенні рэйду асаблівая ўвага надавалася веданню персаналам дзеянняў у выпадку ўзнікнення пажару, уменню карыстацца першаснымі сродкамі пажаратушэння, а таксама захаванню супрацьпажарнага рэжыму.

Парушэнняў падчас выезду выяўлена не было. Практычна ўсе камбайны абсталяваны вогнетушыцелямі і супрацьпажарнай кошмой. Механізатары прайшлі навучанне па праграме пажарна-тэхнічнага мінімуму. Гэтыя пытанні ў гаспадарках знаходзяцца на кантролі адказных за пытанні аховы працы спецыялістаў, а таксама членаў першасных прафсаюзных арганізацый, якія клапоцяцца, каб у аграрыяў былі створаны належныя ўмовы як на працоўных месцах, так і для адпачынку.

Работнікі ведамства адзначаюць, што прычынамі пажараў падчас уборачнай кампаніі з'яўляецца не толькі парушэнне правілаў эксплуатацыі машын і агрэгатаў, але і неасцярожнае абыходжанне з агнём падчас курэння.

- Гарантыяй захавання ўраджаю ад пажару з'яўляецца захаванне ўсіх правілаў пажарнай бяспекі, аднак намаганняў толькі аграрыяў і работнікаў МНС для захавання выгадаванага збожжа недастаткова — - падкрэсліў старшы інспектар сектара прапаганды і ўзаемадзеяння з грамадскасцю Ашмянскага РАНС Міхаіл Маркоўскі. - Кожны грамадзянін павінен выконваць правілы пажарнай бяспекі, знаходзячыся каля хлебнай Нівы і месцаў захоўвання збожжа.