У населеных пунктах Ашмянскага раёна усталёўваюць святлодыедныя ліхтары

   Жыхары некаторых аграгарадкоў раёна апошнім часам заўважылі, што асвятленне на вуліцах іх населеных пунктаў стала значна ярчэй. А ўсе таму, што новыя святлодыедныя ліхтары прыйшлі на замену старым свяцільні. Розніца ў святле бачная няўзброеным воку, а паглынанне энергіі засталося тым жа.
   Андрэй Барткевіч, начальнік РЭСа, нам распавёў, што такія работы праводзяцца ў рамках праекта рэканструкцыі ліній электраперадачы.
   - На некаторых аб'ектах Ашмянскага раёна выйшаў тэрмін эксплуатацыі ліній электраперадачы, які склаў трыццаць тры гады. Для паляпшэння тэхнічных характарыстык асвятлення ў некаторых населеных пунктах, было прынята рашэнне правесці рэканструкцыю, — распавёў Андрэй Барткевіч.
   Фінансаванне праект атрымаў з рэспубліканскага бюджэту, і пасля распрацоўкі плана, згодна з нормамі праектавання, усе старыя ліхтары паступова будуць замяняцца на сучасныя святлодыёдныя.
   Так, новае асвятленне ўжо радуе жыхароў Кальчун, Кракаўкі, будзёнаўкі, зараз вядуцца працы ў Повишнях. У планах на будучы год-Гродзі, часткова заменяць свяцільні ў Гальшанах, Жупранах, Кракаўцы і ў шэрагу іншых населеных пунктаў. Гарантыйны тэрмін працы такіх свяцілень-тры гады. Кошт – каля сямідзесяці-васьмідзесяці беларускіх рублёў.  Да прыкладу, на замену асвятлення ў Кальчунах па каштарысе выдаткавана каля дзевяноста тысяч рублёў.
   Да 2023 года ў планах РЭСа-замяніць усе "старыя" ліхтары на сучасныя эканамічныя, калі будзе атрымана належнае фінансаванне. Будзем спадзявацца, што грошы на тое, каб зрабіць наш раён ярчэй, усё ж знойдуцца, таму што жыхары і госці населеных пунктаў такую абноўку, абавязкова, ацэняць.

Ашмянскі Веснік