З 12 чэрвеня пачнецца прыём дзяцей у першы клас па замацаваных мікрараёнах

Першы раз у першы клас

Бацькам першаклашак варта ўлічыць, што з 12 чэрвеня пачнецца прыём дзяцей у першы клас па замацаваных мікрараёнах. Да 15 жніўня неабходна падаць заяву бацькоў, медыцынскую даведку, пасведчанне аб нараджэнні дзіцяці.

Калі па нейкай прычыне бацькі хочуць, каб дзіця навучаўся ў школе іншага мікрараёна, то ў названыя тэрміны яны падаюць адпаведную заяву. Яго зарэгіструюць у асобным журнале і пры наяўнасці свабодных месцаў у парадку чарговасці з 16 па 28 жніўня могуць залічыць дзіця ў школу «чужога» мікрараёна.

Яшчэ адна навіна тычыцца ўзросту першакласніка. Раней у 1-ы клас залічваліся ўсе дзеці, якім споўнілася 6 гадоў або выконвалася ў верасні. Зараз па рашэнні педагагічнага савета школы ў 1-ы клас могуць быць прыняты дзеці, якім 6 гадоў спаўняецца ў бягучым каляндарным годзе. Пры гэтым канчатковае рашэнне-за бацькамі, якія ў сілу стану здароўя дзіцяці, яго псіхалагічнай гатоўнасці могуць аддаць дзіця і ў 7 гадоў.