Пад знакам дыялогу. У краіне і рэгіёне працягваюць падрыхтоўку да шостага Усебеларускага народнага сходу

   Абласны арганізацыйны камітэт па падрыхтоўцы і правядзенні шостага Усебеларускага народнага сходу створаны ў рэгіёне ў пачатку лістапада. Аргкамітэт узначаліў старшыня аблвыканкама Уладзімір Каранік, які прыняў удзел практычна ва ўсіх дыялогавых пляцоўках у Гродне, а іх было каля дзесяці. У склад арганізацыйнага камітэта ўвайшлі таксама старшыня абласнога Савета дэпутатаў Ігар Жук, намеснікі губернатара, начальнікі ўпраўленняў аблвыканкама, прадстаўнікі грамадскіх аб'яднанняў і СМІ.
   Першае пасяджэнне аргкамітэта прайшло ў сценах ГрДУ імя Янкі Купалы ў адкрытым фармаце, дзе падвялі вынікі маштабнай рэгіянальнай дыскусіі. Эксперты абагульнілі і агучылі прапановы, якія паступілі ў ходзе абмеркаванняў па ўсіх пяці блоках: канстытуцыйнай рэформе і партыйнаму будаўніцтву, мясцоваму кіраванню і самакіраванню, сацыяльнай сферы, маладзёжнай палітыцы, эканоміцы. Прыняць удзел у пасяджэнні аргкамітэта-унесці разумныя карэктывы ў выніковы дакумент і выказаць свае заўвагі-змаглі ўсе жадаючыя, у тым ліку прадстаўнікі грамадзянскай супольнасці.  
   - Размаўляць з людзьмі важна, бо ў эмоцыях не заўсёды правільна разумеюцца відавочныя рэчы – - адзначыў Уладзімір Каранік. - У гэтым ёсць збольшага недагляд дзяржавы, якое вельмі многае зрабіла, але мала пра гэта казала, і ў людзей стварылася памылковае ўражанне, быццам наша сістэма аховы здароўя, адукацыі, нашы чыстыя спакойныя вуліцы - гэта дадзенасць звыш, а не вынік карпатлівай і напружанай працы органаў дзяржкіравання. Дыялогавыя пляцоўкі, з аднаго боку, - гэта магчымасць данесці і растлумачыць людзям пазіцыю ўлады, з другога – пачуць ідэі, якія пры пэўнай дапрацоўцы маглі б палепшыць жыццё грамадства.
   Усебеларускі народны сход праводзіцца раз на пяць гадоў і прымае стратэгію нацыянальнага развіцця. На гэты раз цэнтральным вектарам форуму, правядзенне якога намечана на пачатак наступнага года, стане абмеркаванне канстытуцыйнай рэформы. Будуць разгледжаны і іншыя важныя пытанні грамадска-палітычнага і сацыяльна-эканамічнага спектру. На розных пляцоўках сёння сабрана ўжо больш за 8 тысяч прапаноў, якія тычацца развіцця краіны. Больш за палову з іх паступілі ў Палату прадстаўнікоў Нацыянальнага сходу, паведаміў намеснік кіраўніка Адміністрацыі прэзідэнта, кіраўнік рабочай групы рэспубліканскага аргкамітэта па падрыхтоўцы шостага Усебеларускага народнага сходу Андрэй Кунцэвіч. Да разгляду паступіўшых ініцыятыў аргкамітэт ужо прыступіў.
   - Рэгіянальны ўзровень абмеркавання дазваляе падымаць сапраўды надзённыя і важныя для людзей тэмы, дапамагае фармаваць стратэгічныя прыярытэты на доўгатэрміновую перспектыву – - адзначыў Андрэй Кунцэвіч.
   Зараз стаіць задача ўцягнуць у агульнанацыянальны дыялог як мага больш грамадзян, каб на Усебеларускім народным сходзе прагучалі розныя меркаванні і погляды на вырашэнне існуючых пытанняў. Таму практыку правядзення дыялогавых пляцовак плануюць працягнуць, у тым ліку ў асяроддзі асобных калектываў, калі гэта будзе неабходна. Старшыня аблвыканкама Уладзімір Каранік назваў правільным рашэнне вызначыць месцам правядзення некаторых дыскусій вядучыя гродзенскія ВНУ. Студэнты-медыкі, напрыклад, ужо скарысталіся сваім правам самастойна ініцыяваць правядзенне дыялогавай пляцоўкі з прадстаўнікамі органаў дзяржкіравання на базе ўніверсітэта.
   Сустрэча, якія праходзілі больш двух гадзін, па словах губернатара, знайшла станоўчы водгук у студэнцкай асяроддзі і дапамог растлумачыць многія пытанні.

ГП