Ашмянскія школьнікі прывезлі з Гродна 8 дыпломаў і адну грамату

Упраўленне адукацыі Гродзенскага аблвыканкама 13 студзеня падвяло вынікі трэцяга этапу рэспубліканскай алімпіяды па вучэбных прадметах. 14 таленавітых дзяцей прадставілі наш раён на інтэлектуальным спаборніцтве. Кожны паказаў выдатныя вынікі: у скарбонцы каманды нашага раёна – 8 дыпломаў і адна грамата.

Беларуская і руская мовы, грамадазнаўства, гісторыя, матэматыка, Фізічная культура і Здароўе – гэтыя дысцыпліны апынуліся па зубах школьнікам з Ашмянскага раёна. Дыпломамі другой ступені ўзнагароджаны Лізавета Лабачэўская (беларуская мова і літаратура), Наталля Зянкевіч (руская мова і літаратура). Дыпломамі трэцяй ступені былі адзначаны Анастасія Станкевіч (беларуская мова і літаратура), Яна Зык (Грамадазнаўства), Роберт Швабовіч (гісторыя), Міхаіл Рамейка (матэматыка), Вадзім Андрыеўскі і Уладзіслаў Маліноўскі (Фізічная культура і Здароўе). Граматай узнагароджана Вікторыя Лазарчык (беларуская мова і літаратура). Некаторым з удзельнікаў трэба будзе прадставіць Гродзенскую вобласць на заключным этапе алімпіяды, які пройдзе вясной.

Віншуем пераможцаў і жадаем поспехаў!