Сезон палявання на птушыную дзічыну адкрыўся ў Беларусі

   З другой суботы жніўня па другую нядзелю снежня ў светлы час сутак дазваляецца паляванне на дзічыну вадаплаўную (акрамя гусей) і балотную, а таксама вальдшнепа, вяхіра, голуба шызага, перапёлкі, фазана, варону шэрую, сароку. Дапускаецца паляванне ружэйным спосабам з засады, з падыходу, з пад'езда з маламерных судоў з выкарыстаннем гладкаствольнай паляўнічай зброі з патронамі, падрыхтаванымі дробам; з паляўнічымі сабакамі ўсіх парод, акрамя ганчакоў і хартоў; з выкарыстаннем маламерных судоў без рухавіка або з непрацуючым рухавіком, альбо безружейным спосабам з выкарыстаннем лоўчых птушак.
   Смаргонская міжраённая інспекцыя аховы жывёльнага і расліннага свету нагадвае аб неабходнасці выканання патрабаванняў правілаў палявання і бяспекі.
   У адпаведнасці з арт. 16.27 КаАП Рэспублікі Беларусь, за паляванне без належнага дазволу, альбо ў забароненых месцах, альбо ў забаронены час, альбо забароненымі прыладамі і спосабамі прадугледжана накладанне штрафу ў памеры ад 10 да 30 базавых велічынь з канфіскацыяй стрэльбаў і іншых гармат палявання.

Васіль Паўлаў, начальнік Смаргонскай міжраённай інспекцыі аховы жывёльнага і расліннага свету.