У Ашмянах прайшла адкрытая прыёмная для бізнесу

Мерапрыемства не новае, а традыцыйнае. У дыялогавай пляцоўцы па развіцці бізнесу прынялі ўдзел прадстаўнікі абласных упраўленняў, арганізацый і службаў сумесна з раённымі арганізацыямі. Яны сістэматычна сустракаюцца з суб'ектамі малога і сярэдняга бізнесу, уключаючы фермерскія гаспадаркі і самазанятасці фізічных асоб.

Як праінфармаваў намеснік старшыні Ашмянскага райвыканкама Юрый Знесар, у раёне зарэгістравана 278 суб'ектаў гаспадарання і 731 індывідуальны прадпрымальнік. З пачатку года зарэгістравана 52 індывідуальных прадпрымальніка. Падтрымка спецыялістаў, кансультацыі, метадычная дапамога — сістэмная дзейнасць і важнае звяно камунікацыі паміж уладай і бізнэсам.

Падчас чарговай сустрэчы ашмянскія прадпрымальнікі і бізнесмены звярталіся з пытаннямі рознага характару: гандлю і паслуг, санітарна-эпідэміялагічнага, падатковага заканадаўства, выплаты пенсійных узносаў, юрыдычнай пісьменнасці прадпрымальнікаў, рызык, звязаных з прадпрымальніцкай дзейнасцю. На кансультацыю па пытаннях вядзення бізнесу да спецыялістаў звярнулася 25 чалавек. Яны атрымалі кваліфікаваныя рэкамендацыі і парады. Водгукі аб працы дыялогавай пляцоўкі самыя станоўчыя, таму што многія наспелыя пытанні вырашаны па месцы жыхарства.