Традыцыйным земляробчым абрадам дадзены старт уборцы хлеба новага ўраджаю. Кіраўніцтва гаспадаркі, прафсаюзны камітэт вызначыліся са складамі камбайнерскіх экіпажаў, вадзіцеляў, работнікаў зернесушыльных комплексаў, распрацавалі ўмовы працоўных спаборніцтваў на жніве.
Лета дасягнула зеніту. Асляпляльным золатам наліваюцца поля збожжавых культур. Прыйшоў час брацца за ўборку хлеба. Час няпросты, але радаснае. Якімі будуць Зажынкі, такі будзе і ўраджай у цэлым, кажуць у народзе.
Народны абрад, прысвечаны пачатку жніва, пачаўся з песень. Перад працаўнікамі гаспадаркі выступілі работнікі Кракаўскага цэнтра культуры і вольнага часу. Песні на зажынках спяваюцца асаблівыя: у іх — пажаданні шчодрага ўраджаю і здароўя, жыццялюбства хлебаробам і росквіту сельгасарганізацыі. Як вядома, пэўнай даты ў зажынак не бывае, усё залежыць ад надвор'я, стану налітага Коласа. Калі збожжа наспела, жанчыны і дзяўчаты-жнейкі выходзілі ў поле і зажыналі першы сноп. Яны называлі яго "гаспадар". Яго ўпрыгожвалі стужкамі і ручнікамі, дарылі гаспадару і пакідалі ў доме на самым ганаровым месцы.
Больш падрабязна чытайце на старонках газеты "Ашмянскі Веснік"