Віктар Вайшнаровіч: "Мне вельмі блізкія і зразумелыя падыходы Прэзідэнта»

   Віктар Вайшнаровіч, дырэктар Ашмянскага аграрна-эканамічнага каледжа:

   - Падчас Паслання Прэзідэнта беларускаму народу і Нацыянальнаму сходу было закранута шмат важных пытанняў: аб міры і незалежнасці нашай дзяржавы, нацыянальных каштоўнасцях, унутранай і знешняй палітыцы, пандэміі і яе наступствах, міграцыйным крызісе і санкцыйным ціску, развіцці рэгіёнаў і бізнесу, захаванні гістарычнай праўды і маючым адбыцца рэферэндуме.

   Мне вельмі блізкія і зразумелыя падыходы Прэзідэнта. Ролю кіраўніка дзяржавы ў захаванні міру на нашай зямлі складана пераацаніць. Тое, што падзеі ў Беларусі не пайшлі па тым сцэнары, які мы назіралі ў Казахстане — - яго заслуга.

   Мы стаім на парозе лёсавызначальнай падзеі-рэферэндуму па прыняцці новай Канстытуцыі. Змены ў асноўны Закон краіны прадыктаваныя часам і развіццём грамадства. Аб неабходнасці канстытуцыйных, мірных пераменаў кіраўнік дзяржавы гаварыў ужо даўно - яны сапраўды наспелі. І ў праекце новай Канстытуцыі, і ва ўжо прынятым законе "аб недапушчэнні рэабілітацыі нацызму" прадугледжана важнае становішча — захаванне памяці і праўды аб Вялікай Айчыннай вайне. Як кіраўніку ўстановы адукацыі, для мяне гэта вельмі актуальна. Бо гэтая задача стаіць не толькі перад бацькамі, але і перад педагогамі.

   Важны пасыл у звароце Прэзідэнта-заклік працаваць. На мой погляд, недапушчальна цалкам разлічваць на дзяржаву, павінна быць аддача. Так, калі перад нашым каледжам стаіць задача па зараблянні пазабюджэтных сродкаў у 15 адсоткаў, то мы выконваем на 38. Вядома, працуе ўвесь калектыў: як навучэнцы з майстрамі на палях, так і педагогі. Такі вынік дазваляе смела глядзець у заўтрашні дзень-абнаўляць кампутарную тэхніку, закупляць спортінвентар, паляпшаць жыллёвыя ўмовы ў інтэрнаце, арганізоўваць экскурсіі па месцах баявой славы — словам, рабіць не крок, а паўтара кроку наперад.

Ашмянскі Веснік