Настаўнікі ваенна-патрыятычнага выхавання з'явяцца ў Беларусі з 1 верасня

   Усяго ў краіне будзе ўведзена каля 2 тысяч ставак.
   У беларускіх школах з 1 верасня з'явяцца настаўнікі ваенна-патрыятычнага выхавання. Пра гэта падчас выязнога пашыранага пасяджэння Прэзідыума Савета Рэспублікі заявіў міністр адукацыі Ігар Карпенка, паведамляе карэспандэнт агенцтва «Мінск-Навіны» са спасылкай на сайт Савета Рэспублікі.
   Усяго ў краіне, як адзначыў міністр, будзе ўведзена каля 2 тыс. ставак для працаўладкавання на такую пасаду.
   У сваю чаргу міністр абароны Віктар Хрэнін адзначыў, што»многія выкладчыкі дапрызыўнай падрыхтоўкі ў школе не маюць уяўлення аб вайсковай службе". У сувязі з гэтым плануецца навучаць і павышаць кваліфікацыі такіх настаўнікаў, прыцягваць кадравых вайскоўцаў да арганізацыі падрыхтоўкі школьнікаў.