У Беларусі пачынаецца датэрміновая выплата пенсій

   У Беларусі з гэтага дня пачынаюць датэрмінова выплачваць пенсіі за 10-е жніўня, паведамляе АНТ. Сёння грошы ўжо можна будзе атрымаць на пошце і праз прадпрыемствы, якія займаюцца дастаўкай.
   А з 5-га жніўня іх пачнуць выдаваць і ў банках. Пры гэтым чалавек можа сам выбіраць, скарыстацца правам загадзя або зрабіць гэта ў звыклы для сябе тэрмін. Датэрміновыя выплаты Мінпрацы зрабіла для зручнасці пажылых людзей, каб мінімізаваць паездкі ў грамадскім транспарце і тым самым скараціць колькасць сацыяльных кантактаў. З гэтага месяца ў Беларусі павысіўся бюджэт пражытачнага мінімуму, а разам з тым і памер сацыяльных пенсій.