Акцыя"Тыдзень лесу" стартавала ў Беларусі. У Гродзенскай вобласці яна прадоўжыцца да 22 красавіка

Сталі вядомыя тэрміны правядзення рэспубліканскай добраахвотнай акцыі "Тыдзень лесу" ў рэгіёнах. Адзначым, што штогод кампанія праводзіцца па ініцыятыве Міністэрства лясной гаспадаркі Рэспублікі Беларусь. У 2023-м яна будзе праходзіць ужо ў 16-ы раз і прысвечана Году міру і стварэння.  ТЭРМІНЫ ПРАВЯДЗЕННЯ АКЦЫІ Ў РЭГІЁНАХ:  У Брэсцкай вобласці: з 1 па 8 красавіка  У Віцебскай вобласці: з 15 па 22 красавіка  У Гомельскай вобласці: з 8 па 15 красавіка У Гродзенскай вобласці: з 15 па 22 красавіка  У Мінскай вобласці: з 8 па 15 красавіка У Магілёўскай вобласці: 17 па 23 красавіка Стаць удзельнікам акцыі можа кожны. Для гэтага дастаткова звярнуцца ў бліжэйшы лясгас або лясніцтва і заявіць пра сваё жаданне. Лесагаспадарчыя ўстановы забяспечаць валанцёраў неабходным пасадачным матэрыялам, а таксама інвентаром, пазначаць аб'екты, якія маюць патрэбу ў пасадцы лесу.