16.08.2021
Другі камбайнерскі экіпаж-тысячнік вызначыўся на жніве ў Ашмянскім раёне
У КСУП "Гальшаны" ўслед за камбайнерамі Генрыхам Скаржынскім і Андрэем Давідовічам запаветная тысяча тон збожжа скарылася экіпажу ў складзе Аляксандра Сасноўскага і яго памочніка Ігара Бителя. На мінулым тыдні камбайнеры перасягнулі намалот у тысячу тон збожжа і ўпэўнена трымаюць курс на новую вышыню. Падзякавалі аграрам за працу, уручылі прэміі і традыцыйныя дыпломы ўдзельнікаў абласнога спаборніцтва начальнік райсельгасхарча Андрэй Гардзей, старшыня Ашмянскага райкама прафсаюза работнікаў АПК Раіса Турлай, намеснік дырэктара КСУП» Гальшаны " Міхаіл Скаржынскі. Гальшанскія камбайнеры аднымі з першых уключыліся ў абласное і раённае спаборніцтва сярод камбайнерскіх экіпажаў і вадзіцеляў, занятых на ўборцы збожжа. З першых дзён жніва ў гаспадарцы набрала высокія тэмпы. Усе задзейнічаныя ў ёй імкнуцца хутка і якасна прыбіраць ураджай. Сабраны хлеб своечасова дапрацоўваецца на зернесушыльных комплексах, у рабочым парадку выконваецца дзяржзаказ. Аграрыі разумеюць, што своечасова пакладзенае ў свіран збожжа, адгукнецца вагой у кашальку. Ашмянскі Веснік