Дзень адкрытых дзвярэй прайшоў у Ашмянскім РАУС

   Дзень адчыненых дзвярэй-адна з формаў прафарыентацыйнай працы з навучэнцамі школ, якая дае магчымасць юнакам пазнаёміцца з аддзелам унутраных спраў, на свае вочы ўбачыць, што чакае маладога спецыяліста пасля заканчэння навучальнай установы, у якім калектыве ён будзе працаваць і з чым давядзецца сутыкнуцца падчас працоўнай дзейнасці.    Нядаўна такое мерапрыемства прайшло ў аддзеле ўнутраных спраў Ашмянскага райвыканкама для юнакоў 10-11 класаў школ горада і раёна. РАУС наведалі бялей 40 навучэнцаў, што сведчыць аб зацікаўленасці хлопцаў службай у міліцыі.    Намеснік начальніка РАУС па ідэалагічнай працы і кадравым забеспячэнні падпалкоўнік міліцыі Іван Куняўскі прадэманстраваў юным гасцям відэафільм аб Магілёўскім інстытуце МУС Рэспублікі Беларусь. Хлопцы даведаліся аб гісторыі стварэння навучальнай установы, яго факультэтах і спецыяльнасцях, занятках і факультатывах, жыцця курсантаў.    Перад падлеткамі выступіў выпускнік Акадэміі МУС Рэспублікі Беларусь гэтага года лейтэнант міліцыі Дзяніс Гаргун, які праходзіць службу на пасадзе інспектара ДПС аддзялення ДАІ, які падрабязна распавёў пра вучобу курсантаў і іх будні, адказаў на пытанні, якія паступілі як ад навучэнцаў, так і ад выкладчыкаў школ.    Старшакласнікі даведаліся пра перавагі навучання ва ўстановах сістэмы МУС і праходжання далейшай службы ў органах унутраных спраў, парадку прыёму ва ўстановы адукацыі, асноўных патрабаваннях пры паступленні. Іван Міхайлавіч адзначыў, што абітурыент, які жадае паступаць ва ўстановы адукацыі сістэмы МУС, павінен валодаць мэтанакіраванасцю, адказнасцю, мець добрае фізічнае здароўе і псіхалагічную ўстойлівасць.    Таксама перад прысутнымі выступіў начальнік інспекцыі па справах непаўналетніх маёр міліцыі Алег Васілеўскі, які давёў аператыўную абстаноўку ў раёне і нацэліў будучых выпускнікоў на захаванне дысцыпліны і недапушчэнне парушэння заканадаўства.    Скончыўся дзень адчыненых дзвярэй экскурсіяй па аддзеле. Навучэнцы наведалі пакой гісторыі і ізалятар для часовага ўтрымання асоб, затрыманых або зняволеных пад варту. Цікавасць навучэнцаў выклікала азнаямленне з узбраеннем, сродкамі сувязі і адмысловымі сродкамі, наяўнымі ў аддзеле, якія прадставіў сяржант міліцыі Кірыл Пракопчык.    Многіх навучэнцаў інфармацыя, атрыманая ў РАУС, зацікавіла і ўразіла. Хочацца верыць, што пасля заканчэння школы знойдуцца тыя, хто пажадае выбраць прафесію міліцыянта, асноўная задача якога заключаецца ў абароне вышэйшых каштоўнасцяў-жыцця, здароўя, гонару, годнасці, правоў і законных інтарэсаў грамадзян. Іван КУНЯВСКИЙ, намеснік начальніка Ашмянскага РАУС па ідэалагічнай рабоце і кадраваму забеспячэнню, падпалкоўнік міліцыі.