03.06.2021
Карына Несцерава з Ашмянаў стала бронзавым прызёрам на Кубку Беларусі па лёгкай атлетыцы
Гэтымі днямі ў Брэсце праходзіць Кубак Рэспублікі Беларусь па лёгкай атлетыцы. Гродзенскую вобласць на спаборніцтвах прадстаўляе наша зямлячка, выпускніца сярэдняй школы №1 г. Ашмяны імя М. М. Гружэўскага Карына Несцерава. На дыстанцыі 100 метраў выхаванка Сяргея Юшкоўскага заняла 3-е месца, у чарговы раз давёўшы, што юніёрка можа скласці годную канкурэнцыю дарослым саперніцам. Лідару на дыстанцыі, берасцейцы Кацярыне Жываевай, Карына саступіла ўсяго 0,47 секунды. Віншуем нашу зямлячку з годным вынікам!